МУИС-ийн Экологийн боловсролын төв энэ сарын 9-нд “Эко аялал” танин мэдэхүйн өдөрлөгөө 2 дахь удаагаа зохион байгууллаа. “Байгаль-Эх лицей” ахлах сургуулийн 10-р ангид шинээр элссэн суралцагчдад зориулсан уг аялал Олон улсын хүүхдийн “Найрамдал” төвд болж, тус сургуулийн 168 сурагч, багш нарын хамт цас хаялсан өвлийн ойд нэгэн өдрийг өнгөрөөв. “Хөлөн доорх ертөнц”, “Нарс, хус хоёр”, “Хоёр эрдэнэ”, “Цагийн урсгал”, “Шидэт толь”, “Чимээгүйн чимээ” зэрэг танин мэдэхүйн болон хөгжөөнт тоглоомын 10 өртөөг ЭБТ-ийн мэргэжилтнүүд болон БЭЛАС-ийн 11-р ангийн сурагч Э.Дагваням, Ө.Тэмцэл-Оч, Э.Тэнгис, Б.Тэмүүжин, Э.Энхжин, Б.Энхзаяа, А.Анхзаяа нар хөтлөн явууллаа inflatable lake slide. Танхимын сургалтаар олсон мэдлэгээ байгальд очиж бататгах, байгалийг бүх мэдрэхүйгээр мэдрэх боломжийг олгодог уг эко аялал цаашид ч уламжлал болон зохиогдох юм.